29 Semana de vida y lengua mixes

Mentï jä’ätï mä yi ayuk ëjxpëjkk tsyoo’ntä’äkwä’äny, wa’n tnamyujkya’am nïxem nïyäm; mëjtï mutsktï, kiixtyï mijxytyï, jats nxeejkïnt, n’ëë’ïnt, n’ajtsïnt, nkäjpxïnt nmatyääjkïnt. Ëy jate’n ku nyik yujïnt yi jaaky yi käjpxk, yë’ yi ayuk jää’y kya yik kutïkëëtyïp, jate’n nyik mëja’ant nyik kajaa’ja’ant ja nwïnmää’ny, ka’ nyik kutïkëë’yïnt ja ntsïnää’yïn ja ntanää’yïn, jate’n ja majää’tyëjk ja tsyïnää’yïn yë’ëjyïn, nï’amukï, ëy apiky kyäjp ntsëë’nyïm namyïku’uk jää’wïya’amp, nïxem nïyäm nkäjpxmujkïnt, nyik yujïnt ja ayuujk, nïjää’waant ku yi kaja tyuny, atëm ayukjää’ytyï nijuunï nka yik kutïkëë’yïnt, wa’n kë’m t’ijxyïm tjää’wa’am miti ja jujky’äjtpï të xtamïtsëjkyïm.

Yik mëjï ja mwïnmää’ny, pawïnmay ja ayuk jaaky, ayuk käjpxk jats ka’ pën mta’amutskïyït.
Yik wej ja m’anmajää’wïn jats ja m’uu’nk m’unä’äjk xtuk ëjxtït, tyik tuu’yë’ëtyït ja ëy’äjtïn wa’n yi mutsk unä’äjk tuk ijxyïm yi ayuk tsïnaaky.
Wa’n jat’en mëët yi jujkyäjtpï namyujka’am, ja kojpk, ja ujts, ja nëëj, ja jïyujk, atëm yë’ nja’äjtyïmp.

Tyoskujuyïp mïku’uktëjktï.

Texto: Vásquez Reyes Ines